![ADS](https://abnews.am/wp-content/uploads/2022/04/abnews-ads.png)
![](https://abnews.am/wp-content/uploads/2024/02/SITE0801-YouTube-Thumbnail-6-6.png)
2023-ին Հայաստանում գործել է 1 093 ՏՏ ոլորտի կազմակերպություն (3 և ավել աշխատակից ունեցող), տեղեկանում ենք Armenian Code Academy-ի տեխնոլոգիական շուկայի վերլուծության տվյալներից (Armenian Tech Market Insights)։
Անընդհատ փոփոխվող տեխնոլոգիական ոլորտում փոփոխվում են նաև առաջատար մասնագիտությունները։ Ոլորտում գործունեություն են ծավալել ընդհանուր առմամբ 57 000 մարդ, որոնցից միայն 36 000-ն են Tech մասնագետները եղել, մնացած մասը կազմել են վաճառքի, մարքեթինգի, գործընթացների ապահովման մասնագետները։
Տեխնոլոգիական մասնագիտություններում առաջատարը 2023-ին եղել է ծրագրային ապահովումը (Software Engineering)` մոբայլ և վեբ հավելվածների ստեղծում, խաղերի ստեղծում, որը զբաղեցրել է շուկայի 38%-ը։
Հաջորդում է ենթակառուցվածքների ապահովումը (Infrastructure)՝ համակարգերի ստեղծում, ամպային տեխնոլոգիաներ, ծրագրային ապահովման փորձարկում, որով զբաղվել է ներգրավված մասնագետների 18%-ը։
Երրորդ տեղում եղել է դիզայնը (UI/UX, Graphic Design, Motion Design)` ՏՏ ոլորտում զբաղվածների 12%-ը։
Մասնագետների ցանկում իրենց դիրքերը սկսել են բարելավել տվյալների մշակմամբ զբաղվողները (Data Analysts, Data Engineers, Product Analysts, Big Data մասնագետներ) և պրոդուկտների նախագծմամբ զբաղվողները (Product Managers, Product Designers)։
Տեխնոլոգիական ոլորտի մասնագետների 38%-ը իգական սեռի են եղել։ Կարևոր է նաև նշել, որ տեխնոլոգիական ոլորտի մասնագետների 20%-ը եղել են ռելոկանտներ՝ ԱՊՀ երկրներից։
2023-ին ծրագրային ապահովման ոլորտում աշխատավարձերը տատանվել են 110 000 – 8 880 000 ՀՀ դրամի միջակայքում։
![ՏՏ ոլորտի ո՞ր մասնագետներն են ամենապահանջվածը եղել 2023-ին 1 ՏՏ ոլորտի ո՞ր մասնագետներն են ամենապահանջվածը եղել 2023-ին](https://how2b.am/wp-content/uploads/sites/2/2024/02/Salaries-in-Tech-Market.png)
Աղբյուրը՝ how2b.am
Մեկնաբանություն