Հարկից խուսափելու դեպքում քրեական պատասխանատվության շեմը փոխվել է` բարձրացել: Եթե նախկինում գործարարը կարող էր պատասխանատվության ենթարկվել 4 միլիոն դրամից ավելի խախտում կատարելու համար, ապա այժմ նվազագույն շեմ է սահմանվել տասը միլիոն դրամը: Պատիժը երեքից վեց տարվա ազատազրկում է: Առանձնապես խոշոր չափի խախտման նվազագույն շեմը տասը միլիոն դրամից բարձրացվել է 20 միլիոն դրամ: Այս դեպքում նախատեսվում է 4-ից ութ տարվա ազատազրկում: Օրենսդրության փոփոխությունն առաջարկել էր Մանթաշյանց գործարարների միությունը: Գաղափարի հեղինակն անձամբ Վահրամն Միրաքյանն էր:
Մոտ երեք տարի տեւած քննարկումից հետո օրենքն ընդունվել է: Կիրառվում է 2022-ի հուլիսի 1-ից: Մանթաշյանց գործարարների միության հիմնադիր նախագահի խոսքով` չորս միլիոն դրամ նվազագույն շեմն իսկապես ցածր էր:
Պետությունն ունի վերահսկողության ու պատժի բազմաթիվ լծակներ: 4 միլիոն դրամի համար քրեական պատիժը, գործարարներն արդյունավետ չեն համարում: Առավել եւս, որ երբեմն հարկային տեսուչներն օրենսդրությունը մի կերպ են մեկնաբանում, գործարարի հաշվապահներն ու իրավաբանները բոլորովին այլ կերպ: եթե վեճ կա, ապա այն պետք է լուծի դատարանը:
Մանրամասները՝ տեսանյութում.
