ԱՄՆ Դաշնային պահուստային համակարգը, որը ծառայում է որպես երկրի կենտրոնական բանկ, ներկայումս չի մտածում հիմնական տոկոսադրույքի իջեցման մասին: Նույնիսկ քննարկվում է այն բարձրացնելու հնարավորությունը։ Այս մասին հայտարարել է Դաշնային պահուստային համակարգի նախագահ Ջերոմ Փաուելը՝ Բաց շուկայի դաշնային կոմիտեի երկօրյա նիստի արդյունքներն ամփոփելով:
«Հանձնաժողովն այս պահին ընդհանրապես չի էլ քննարկում դրույքաչափի իջեցման հարցը: Հանուն արդարության պետք է նշել, որ մեր հարցն այն է, թե արդյոք պետք է բարձրացնել այն»,- ասել է ֆինանսական կարգավորիչի ղեկավարը։
Նրա խոսքով՝ «բարձր գնաճը ցավալի է բնակչության համար»։ ԱՄՆ-ում սպառողական գները սեպտեմբերին տարեկան կտրվածքով աճել են 3.7%-ով։
«Առանց գների կայունության տնտեսությունը ոչ մեկի օգտին չի աշխատում»,- ասել է Փաուելը և հավելել, որ ԱՄՆ-ում գնաճը նվազում է, բայց դեռևս շատ բարձր է սահմանված թիրախից:
Աղբյուրը՝ b24.am
JavaScript seems to be disabled in your browser. You must have JavaScript enabled in your browser to utilize the functionality of this website.
