Անցնող շաբաթվա այլ կարևոր իրադարձությունները ֆինանսական շուկաների համար

ԱՄՆ Դաշնային պահուստային համակարգը նվազեցրել է վերաֆինանսավորման տոկոսադրույքը միանգամից 50 բազիսային կետով՝ սահմանելով 4.75%-5%: ԴՊՀ նախագահ Ջերոմ Փաուելը հայտարարել է երկրում ձևավորված բարձր գնաճի դեմ իրենց «մենամարտի» ավարտի մասին։ ԱՄՆ 30 տարեկան գանձապետական պարտատոմսերի եկամտաբերությունը հասել է վերջին 2 տարիների նվազագույն մակարդակին՝ 6.15%: Միացյալ թագավորության պետական պարտքը հասել է երկրի ՀՆԱ-ի 100%-ին։ Վերջին անգամ երկրի պետական պարտքն այդ մակարդակին հասել էր 1960-ականներին։ ԱՄՆ-ում գործազրկության նպաստի առաջնային դիմումների թիվը սեպտեմբերի 14-ին ավարտվող շաբաթվա ընթացքում նվազել է 12,000-ով և կազմել 219,000՝ հասնելով վերջին 4 ամիսների նվազագույն մակարդակին։ ԴՊՀ-ի կողմից վերաֆինանսավորման տոկոսադրույքի կրճատումից հետո ամերիկյան ֆոնդային ինդեքսները կտրուկ աճ են գրանցել. S&P 500-ն աճել է 1.7%-ով՝ հասնելով իր պատմական առավելագույնին՝ 5,713.64 միավորի, Nasdaq-ն աճել է 2.51%-ով և կազմել 18,013.98։ Ռեկորդային բարձր ցուցանիշ է գրանցել նաև Dow Jones-ի ինդեքսը՝ 42,025.19: finarm.am