Evocabank-ը՝ Newmag Summer Fest 2025-ի գլխավոր հովանավոր. մանրամասները՝ ABNews.am կայքում
Հոլիվուդը դատի է տվել արհեստական ​​ինտելեկտի ընկերությանը՝ առանց լիցենզիայի կերպարներ պատճենելու համար
Իսրայել-Իրան լարվածությունը հասնում է Սյունիք․ ինչ սպասել Հայաստանի տնտեսությունում. մանրամասները՝ ABNews.am կայքում
Հայաստանում կկառուցվի 500 միլիոն դոլար արժողությամբ AI գործարան
Երևանի որ վարչական շրջաններում են այսօր բնակարաններն ավելի մատչելի. մանրամասները՝ ABNews.am կայքում
Անպտղության մակարդակը Հայաստանում հասել է 18.2%-ի
Հայաստանը 2024 թվականին արտահանել է 7.5 միլիոն լիտր կոնյակի սպիրտ
«Պարզից պարզ». ֆինանսական գրագիտությունն ԱրարատԲանկի հետ. մանրամասները՝ ABNews.am կայքում
Ովքեր են աշխարհի ամենաբարձր վարձատրվող գոլֆիստները 2025-ին. Forbes. մանրամասները՝ ABNews.am կայքում
2025թ.-ի հունվար-ապրիլին հեռահաղորդակցության ոլորտում հասույթը կազմել է 54․5 մլրդ դրամ
Սևանա լիճ է բաց թողնվել շուրջ 74 հազար 800 հատ իշխանի մանրաձուկ
Ինչու է Հայաստանում դոլարը բանկերից «հեռանում». մանրամասները՝ ABNews.am կայքում
Tabadul. Ներդրումային հնարավորություններ, որոնք հասանելի են միայն Կոնվերս Բանկի աջակցությամբ. մանրամասները՝ ABNews.am կայքում
ՌԴ բյուջեի դեֆիցիտը հունվար-մայիս ժամանակահատվածում կազմել է 3.393 տրլն ռուբլի կամ ՀՆԱ-ի 1.5%-ը
Հայաստանում մասնագիտական ​​քոլեջների ընդունելության թիվն աճել է 11.4%-ով. ԿԳՄՍՆ
2025թ․-ի հունվար-ապրիլին Հայաստանում հացի արտադրությունը նվազել է 0.5%-ով
2025թ.-ի հունվար-ապրիլին Հայաստանում մսի արտադրությունն աճել է 9.3%-ով
Հայաստանի ֆուտբոլի ազգային թիմը ոչ-ոքի ավարտեց հանդիպումը Չեռնոգորիայի հետ
2025թ․-ի հունվար-ապրիլին Հայաստանում գինու արտադրությունը նվազել է 38,8%-ով
2025թ․-ի հունվար-ապրիլին Հայաստանում ցեմենտի արտադրությունը նվազել է 23․2%-ով

ՏՏ ոլորտի ճգնաժամը Հայաստանում. աշխատավարձերի և աշխատատեղերի անկման հիմնական պատճառները

Օգս 22, 2024 12:51
51

Տնտեսագետ Աղասի Թավադյանը նշում է, որ Հայաստանի համար ռազմավարական կարևորություն ունեցող և վերջին տարիներին տնտեսական աճի խթան հանդիսացող տեղեկատվական տեխնոլոգիաների (ՏՏ) ոլորտը հայտնվել է ճգնաժամի մեջ:

Նա ներկայացնում է ոլորտի առջև ծառացած մի շարք մարտահրավերներ՝ նշելով, որ 2022 թվականից սկսված սրընթաց աճը այլևս դադարել է: ՏՏ ոլորտում 2023 թվականի սկզբից աշխատատեղերի և աշխատավարձերի աճը կանգ է առել, և, ըստ Թավադյանի, ոլորտը գտնվում է ստագնացիայի մեջ:

Վերջին տարիներին ՏՏ ոլորտի աշխատողների թիվը կտրուկ աճել է՝ 2018-2022 թվականներին 8000-ից հասնելով 33 հազարի, սակայն 2023 թվականից այդ աճը դադարել է, իսկ որոշ դեպքերում անգամ նվազել։ Նմանատիպ իրավիճակ է աշխատավարձերի հետ կապված, որոնք մինչ 2023 թվականը աճել էին՝ հասնելով 700,000-ից 1 միլիոն դրամի, բայց 2023 թվականից ի վեր փոփոխություն չի նկատվում:

Թավադյանը այս վիճակը բացատրում է մի քանի հիմնական պատճառներով:

Առաջինը՝ դրամի արժևորումն արտարժույթի նկատմամբ, որը վերջին երկու տարիների ընթացքում փոխարժեքը 430 դրամից հասցրել է 380 դրամի: Թավադյանի կարծիքով, սա բացասաբար է ազդել ոլորտի զարգացման վրա, ինչը հատկապես նկատելի է դարձել, երբ 2022 թվականին ՌԴ-ից տեղափոխված մասնագետների ներհոսքը դադարել է:

Երկրորդ կարևոր պատճառը, ըստ տնտեսագետի, կառավարության վարած հարկաբյուջետային քաղաքականությունն է, որը դժվարացնում է ՏՏ ընկերությունների գործունեությունը: Թավադյանը նշում է, որ ՓՄՁ-ների շրջանառության հարկը 2025 թվականից բարձրանալու է 5%-ից 10%-ի, իսկ ՏՏ ընկերությունների համար սահմանված շահութահարկի արտոնությունները աստիճանաբար դադարեցվում են, ինչն էլ կարող է լուրջ հարված հասցնել Հայաստանի ՏՏ ոլորտի մրցունակությանը: Համեմատության համար Թավադյանը նշում է, որ Վրաստանում ՏՏ ոլորտի ընկերությունների համար շրջանառության հարկը ընդամենը 1 տոկոս է, ինչը Հայաստանին դարձնում է ավելի անբարենպաստ տեղ:

Տնտեսագետը նաև արձանագրում է, որ արտասահմանյան մասնագետների արտահոսքի ֆոնին պաշտոնական վիճակագրությունը ցույց է տալիս օտարերկրյա գրանցում ունեցող ՏՏ ընկերությունների թվի ավելացում Հայաստանում, մինչդեռ տեղական ընկերությունների թիվը կտրուկ նվազել է: Թավադյանը կարծում է, որ սա կարող է պայմանավորված լինել այն ընկերությունների փակմամբ, որոնք նախկինում գրանցվել էին հարկային արտոնություններից օգտվելու համար, և այժմ փոխել են իրենց գրանցումը՝ արտոնությունների դադարեցման հետևանքով:

Տնտեսագետը նախազգուշացնում է, որ եթե այս իրավիճակը չկանխվի, ՏՏ ոլորտում անկումը կդառնա անխուսափելի: Նա առաջարկում է կառավարությանը վերականգնել հարկային արտոնությունները և վերանայել հարկային քաղաքականությունը: Նաեւ առաջարկվում է կառավարել դրամի փոխարժեքը և ստեղծել ՏՏ հանգույց Հայաստանի և Վրաստանի միջև՝ Վանաձորը դիտարկելով որպես նման հարթակ:

Վերջապես, Թավադյանը նշում է, որ ոլորտի զարգացման համար կարևոր է նաև մատչելի բնակարանաշինության խթանումը ՏՏ մասնագետների համար:

SPUTNIK