LNG ներմուծողների միջազգային խումբը (GIIGNL) հայտարարել է, որ Եվրամիությունում (ԵՄ) գազի սակավության խնդիրը կշարունակվի առաջիկա մի քանի ձմռանը։ Այս մասին հայտնում է Bloomberg-ը։
«2022-2023 թվականների սեզոնի այս ձմեռը մենք կհաղթահարենք առանց ավելորդ վնասների, եթե մեր բախտը բերի, բայց հաջորդ ձմեռը կարող է լինել ավելի բարդ, ինչպես նաև հաջորդը», — ասել են կազմակերպությունից:
Հրապարակման մեջ նշվում է, որ անցած ձմեռը Եվրոպայում սովորականից տաք էր, ուստի հաջորդ սեզոնի համար դեռ պահպանվում են որոշակի պաշարներ: Այնուամենայնիվ, մի քանի ամսում էներգակիրների գները կտրուկ աճել են, ուստի վառելիքի գնումները գնալով դժվարանում են։
Գործակալության կողմից հարցված շուկայի փորձագետները համակարծիք են եղել, որ հաշվի առնելով Ռուսաստանից մատակարարումների նվազումը և Չինաստանից պահանջարկի աճը, հաջորդ տարվա համար եվրոպական տարածաշրջանի համար դժվար կլինի լրացնել պահեստարանները: Եվրոպայում վառելիքի պակասի իրավիճակը կարող է պահպանվել մեկից երեք տարի:
Հուլիսի 5-ին Միջազգային էներգետիկ գործակալության (IEA) զեկույցում ասվում էր, որ Ռուսաստանից Եվրոպա գազամատակարարումը գազատարով կնվազի 55%-ով մինչև 2025 թվականը: ՄԷԳ-ում նշել են, որ մատակարարումների կրճատումը տեղի կունենա «Գազպրոմի» հետ երկարաժամկետ պայմանագրերի ավարտի պատճառով։
Մեկնաբանություն