WhatsApp-ը պատրաստվում է լքել Ռուսաստանի շուկան․ ինչ է սպասվում
WhatsApp-ը մոտ ապագայում կարող են արգելափակել կամ դուրս մղել ռուսական շուկայից։ 
ՌԴ Պետդումայի ՏՏ կոմիտեի առաջին փոխնախագահ Անտոն Գորելկինի խոսքով՝ WhatsApp-ը, ամենայն հավանականությամբ, կհայտնվի Ռուսաստանի կառավարության «անբարեկամ» երկրների ծրագրային ապահովման  ցուցակում։ 
Նրա խոսքերով՝ WhatsApp-ի փոխարեն ռուսաստանցիների համար կստեղծվի ազգային մեսինջեր՝ Max-ը։ Օրական օգտագործողների շրջանում WhatsApp-ը առաջին տեղում է՝ 68%, իսկ երկրորդն է Telegram-ը՝ 55%-ով։
Նշենք, որ WhatsApp-ը պատկանում է Meta ընկերությանը, որը Ռուսաստանում ճանաչված է որպես ծայրահեղական կազմակերպություն։