Արդյունաբերության և առևտրի նախարարությունը հայտնել է, որ ֆրանսիական կոսմետիկայի Lancome և Yves Saint Laurent ապրանքանիշերը, ինչպես նաև իտալական Giorgio Armani-ն որոշել են վերսկսել մատակարարումները Ռուսաստան։ Այս մասին հայտնում է РИА Новости-ն։ Նաև, ռուսական շուկա վերադառնալու ծրագրերի մասին արդյունաբերության և առևտրի նախարարությանը զեկուցել են Redken-ը և Kerastase-ը (ինչպես Lancome-ը, երկու ապրանքանիշերն էլ պատկանում են ֆրանսիական L’Oreal-ին):
Արդյունաբերության և առևտրի նախարարությունն արգելել է բոլոր հինգ ապրանքանիշերի զուգահեռ ներմուծումը։
«Դա հնարավոր է դարձել ընկերությունների պատրաստակամության շնորհիվ վերսկսել իրենց արտադրանքի մատակարարումները Ռուսաստան»,- ընդգծել են պաշտոնյաները։Արգելքն ուժի մեջ կմտնի միայն երեք ամսից, ուստի զուգահեռ ներմուծման համար բրենդային ապրանքներ ձեռք բերած տնտեսվարողները ժամանակ կունենան դրանք ներմուծել Ռուսաստան։
Հիշեցնենք, որ մարտին L’Oreal-ը որոշեց դադարեցնել իր մանրածախ առևտրի աշխատանքը Ռուսաստանում, ինչպես նաև դադարեցնել ներդրումները գովազդի և արտադրության մեջ։ L’Oreal-ի արտադրանքի վաճառքը ընկերության սեփական առցանց խանութների միջոցով դադարեցվել է։
