Meta-ն ավելի հզոր AI-ի մոդել է մշակում Meta-ն արհեստական բանականության նոր համակարգ է մշակում, որն իր հզորությամբ կհամեմատվի OpenAI-ի ամենաառաջադեմ մոդելի հետ։ Այս մասին գրում է Wall Street Journal-ը՝ հղում անելով իրազեկ աղբյուրներին,- տեղեկացնում է fintech.am-ը: AI նոր մոդելը մի քանի անգամ ավելի հզոր կլինի, քան իր կոմերցիոն տարբերակը՝ Llama 2-ը և կթարմացվի 2024 թվականի սկզբին։ Llama 2-ը բաց կոդով լեզվի մոդել է, որը Meta-ն թողարկել էր հուլիսին: Այն նախատեսված է չաթ-բոտեր ստեղծելու համար, ինչպիսիք են ChatGPT-ն և Google Bard-ը: Meta-ի նոր մոդելը կոչված է օգնելու հաճախորդ ընկերություններին ստեղծել գործիքներ՝ բարդ տեքստ և վերլուծություն։