Մատնաքաշ ու քարի հաց, ֆրանսիական բեկոն ու վրացական պուրի, լավաշ, հրուշակեղեն: Լայն ընտրանու, որակի ու մրցունակ գների շնորհիվ ԱՎ և ԴԱՎ Եղբայրներ ընկերության արտադրանքի պահանջարկը հետզհետե աճում է, մեծանում են արտահանման հնարավորությունները:
Ակստեղ նշում են՝ արտադրատեսականու ընդլայնումը, արտադրության և իրացման ծավալների աճը հնարավոր է դարձել իտալական ժամանակակից,արդյունավետ ու տարողունակ վառարանի տեղադրման և գործարկման շնորհիվ:
Այդ նպատակով ֆինանսավորումը իրականացրել է Կոնվերս Բանկը: Կարևորելով զարգացող տեխնոլոգիաներից մեծ կախում ունեցող բիզնեսին, բանկը մշակել և գործարկել է Կոնվերս Լիզինգ մրցունակ պրոդուկտը:
Լիզինգի առավելագույն գումարը 1 մլրդ ՀՀ դրամ է, կամ համարժեք արտարժույթ, մարման առավելագույն ժամկետը՝ 84 ամիս: Բանկը լիզինգ է տրամադրում նաև պետական ծրագրի շրջանակում: Լիզինգային ֆինանսավորում է իրականացնում նաև «Արտադրական կարողությունների արդիականացման միջոցառման» ծրագրի շրջանակներում, որի պարագայում տոկոսադրույքները Կառավարության կողմից սուբսիդավորվում են մինչև 10%-ի չափով:
Կոնվերս լիզինգն է լինելու Լիզինգ էքսպո ցուցահանդեսում Բանկի հիմնական առաջարկը: Չնայած դրան, Բանկի աշխատակիցները պատրաստակամություն են հայտնում ցուցահանդեսի շրջանակում պատասխանել ոչ միայն Կոնվերս լիզինգին, այլև փոքր և միջին ձեռնարկությունների ֆինանսավորման այլ առաջարկներին վերաբերող հարցերի, օգնել գտնելու բիզնեսի զարգացման ու ընդլայնման լավագույն լուծումը:
