Մարտի 31-ից ապրիլի 2-ը Կարեն Դեմիրճյանի անվան Մարզահամերգային համալիրում կկայանա Toon Expo-ն՝ անշարժ գույքի և կառուցապատման ոլորտի միջազգային ամենամեծ ցուցահանդեսը Հայաստանում:
3 օրերի ընթացքում այցելուները հնարավորություն կունենան՝ ծանոթանալու անշարժ գույքի շուկայի ամենահետաքրքիր ու շահավետ տարբերակներին, կառուցապատող ընկերությունների հնարավորություններին, ֆինանսաբանկային համակարգի՝ տուն ձեռք բերելու հարցում առկա առաջարկներին և ոչ միայն:
Տուն կառուցելուց մինչև ձեռքբերման, վերանորոգման ու բնակեցման պահը հնարավոր բոլոր փուլերն աջակցող ընկերությունների ու մասնագետները հավաքվելու են մեկ վայրում:
Մասնակիցները ներկայանալու են հատուկ առաջարկներով այցելուների համար և B2B համագործակցության հատուկ պայմաններով՝ մասնակից կազմակերպությունների համար:
Ցուցահանդեսին զուգահեռ Մարզահամերգայինում տարատեսակ միջոցառումներ են սպասվում՝ թեմատիկ սեմինարներ ու բանախոսություններ, պանելային քննարկումներ, խաղարկություններ, Kids Zone:
Մուտքն ազատ է լինելու բոլոր ցանկացողների համար: Մանրամասն միջոցառման մասին կարող եք ծանոթանալ այստեղ:
Նախորդ տարի կայացած ցուցահանդեսի ժամանակ հանդես են եկել ավելի քան 150 կազմակերպություններ, մասնակիցների թիվը գերազանցել է 20 հզրը, իսկ ցուցահանդեսի 3 օրերի ընթացքում վաճառվել ու ամրագրվել է ավելի քան 1200 բնակարան:
