2022թ. առաջին կիսամյակում ՀՀ պետական պարտքն աճել է 706.15 մլն դոլարով Այս տարվա առաջին կիսամյակում պետական պարտքն աճել է 706.15 մլն դոլարով: Այդ է վկայում վիճակագրական կոմիտեի հրապարակած տվյալը:   Հայաստանի արտաքին պարտքը հունիսի ընթացքում նվազել է 37.02 մլն դոլարով և կազմել 6.496 մլրդ դոլար, իսկ տարվա սկզբի համեմատ արտաքին պարտքը նվազել է 152.5 մլն դոլարով։ Այդ թվում, Հայաստանի կառավարության պարտքը հունիսի ընթացքում նվազել է 73.8 մլն դոլարով և կազմել 5.954 մլրդ դոլար, իսկ տարվա սկզբի համեմատ արձանագրվել է նվազում 236.67 մլն դոլարով։ Ինչ վերաբերում է ներքին պարտքին, ապա հունիսի ընթացքում այն աճել է 388.36 մլն դոլարով և կազմել 3.436 մլրդ դոլար, իսկ տարվա սկզբի համեմատ արձանագրվել է աճ 753.48 մլն դոլարով։