«Թել-Սել» ընկերությունն ազդարարեց բաժնետոմսերի թողարկման մասին, ըստ որի այսուհետ հնարավոր կլինի ընկերության բաժնետեր դառնալ։ Բաժնետոմսեր կարելի ձեռք բերել սեպտեմբերի 18-ից մինչև Նոյեմբերի 30:
Շուրջ 1,5 միլիարդ դրամ ընդհանուր արժեքով թողարկված բաժնետոմսերից յուրաքանչյուրի տեղաբաշխման արժեքը 400 դրամ է։ Իսկ ահա առաջին գնման նվազագույն քանակը՝ ընդամենը 10 բաժնետոմսն է։
Բաժնետոմսերի տեղաբաշխումն էլ իրականացնում է «Արմբրոկ» ներդրումային ընկերությունը, այդպիսով՝ նպատասելով Հայստանում ներդրումային շուկայի կայացմանը։
Telcell-ի ֆինանսական տնօրեն Թամարա Սարգսյանի խոսքով Telcell բաժնետոմսերի առանձնահատկություններից մեկն էլ այն է, որ Telcell Wallet հավելվածի օգտատերերը բաժնետոմսեր կարող են գնել Telcell Wallet հավելվածում՝ պարզ և արագ։ Բաժնետոմսերը թողարկվելու են շուրջ չորս միլիոն թվաքանակով և հասանելի արժեքով։
Չնայած որ բաժնետոմսերի գնման մշակույթը դեռևս մեր երկրում լայն տարածում չունի սակայն Telcell-ի գլխավոր տնօրենի տեղակալը կարծում է, որ յուրաքանչյուր քաղաքացի իրական հնարավորություն ունենա գնել և իր առաջին քայլերը կատարել ներդրումային շուկայում՝ հանրային նշանակության ընեկերությունում բաժնետոմս գնելու միջոցով։
Մեկնաբանություն