Ներդրումային ոլորտը սեպտեմբերի 17-ին

Համաշխարհային ինդեքսներ Ամերիկյան ցուցիչները երկուշաբթի օրը փակվել են աճով. Dow Jones Industrial Average-ը բարձրացել է 0.55%-ով՝ հասնելով 41,622.08 կետի: S&P 500-ի արժեքը աճել է 0.11%-ով՝ հասնելով 5,632.21 կետի: S&P 500-ի ֆյուչերսը երեքշաբթի ավելացել է 0.02%-ով: Ճապոնական Nikkei 225-ը նվազել է 1.18%-ով՝ հասնելով 36,225 կետի: Չինաստանում և Հարավային Կորեայում այս օրն աշխատանքային չէ: Մակրոէկոնոմիկա 1. Եվրագոտում 2024 թվականի երկրորդ եռամսյակում աշխատավարձերի մակարդակը տարեկան կտրվածքով աճել է 4.5%-ով, նախորդ եռամսյակում այդ ցուցանիշը եղել է 5.2%: 2. Եվրագոտու առևտրային բալանսի ավելցուկը հուլիսի տվյալներով կազմել է €21.2 միլիարդ՝ գերազանցելով կանխատեսումները (€14.9 միլիարդ): Ապրանքային շուկաներ Ոսկու գինը նվազել է և այժմ կազմում է $2,585.0 մեկ ունցիայի համար: Նավթի գնանշումները վերականգնվել են։ Brent նավթը վաճառվում է $73.0 մեկ բարելի համար, իսկ WTI-ն՝ $70.6: Կորպորատիվ իրադարձություններ/ միջոցառումներ 1․ Լրատվամիջոցների հաղորդմամբ, Nippon Steel ընկերությունը հետաքրքրված է Իտալիայի Ilva պողպատի գործարանի գնմամբ։ Ավելի վաղ Nippon Steel-ը փորձել էր ձեռք բերել U.S. Steel-ը, սակայն գործարքը կարող է արգելափակվել Սպիտակ տան կողմից: 2․ Լրատվամիջոցների տվյալներով, գերմանական Volkswagen ավտոկոնցեռնը նախատեսում է կրճատել 15,000 աշխատակից՝ Գերմանիայում 2-3 գործարաններ փակելու պլանի շրջանակներում։ Կրճատումների դիմաց ընկերությունը կարող է վճարել մինչև 24 ամսվա աշխատավարձ, որի ընդհանուր գումարը կկազմի $4.4 միլիարդ: Ակնկալվում է, որ գործարանների փակումը տեղի կունենա 2024 թվականի չորրորդ եռամսյակում: 3․ Պենտագոնը նախատեսում է տրամադրել Intel կորպորացիային $3.5 միլիարդ դաշնային դրամաշնորհ՝ ռազմական չիպերի արտադրության համար, որը իրականացվելու է «Secure Enclave» գաղտնի ծրագրի շրջանակներում: Չիպերը կօգտագործվեն հիմնականում հետախուզական նպատակներով, իսկ դրանց արտադրությունը կսկսվի մի քանի նահանգներում, այդ թվում՝ Արիզոնայում։ Cube Invest