Հայաստանի պետական պարտքը վերջին տվյալով 9 մլրդ 992 մլն դոլար է, այն տարեսկզբի համեմատ աճել է 8.3%-ով: Հաջորդ տարվա պետական բյուջեով 272 միլիարդ մեկ միլիոն դրամ ուղղվելու է միայն պետական պարտքի տոկոսի վճարմանը: Դա կազմում է բյուջեի 10.5 տոկոսը: Պետական պարտքի տոկոսի վճարմանն ուղղվող գումարն ավելին է, քան, օրինակ, բյուջեից առողջապահությանը կամ կրթությանը ուղղվող հատկացումները: Պետական պարտքի կառավարմանը հատկացվող գումարը 2013 թվականի համեմատությամբ աճել է 225 4 միլիոն դրամով: 2023-ին կառավարության պարտքի մարման և սպասարկման համար կպահանջվի 604 մլրդ 9 միլիոն դրամ, որից 332.8 մլրդ դրամը կկազմի պարտքի մարումը, մնացածը` տոկոսավճարը: Ըստ գլխավոր ֆինանսական փաստաթղթի կանխատեսուման` 2022 թվականի դեկտեմբերի 31-ի դրությամբ պետական պարտքը կկազմի 4 տրիլիոն 490 մլրդ դրամ կամ Համախառն ներքին արդյունքի (ՀՆԱ) 54.1%-ը, իսկ 2023 թվականի տարեվերջին այն կլինի 4 տրիլիոն 879 մլրդ դրամ կամ ՀՆԱ 52.4%-ը:
JavaScript seems to be disabled in your browser. You must have JavaScript enabled in your browser to utilize the functionality of this website.
Մեկնաբանություն