Ներդրումային ոլորտը օգոստոսի 12-ին Համաշխարհային ինդեքսներ Ամերիկյան ինդեքսները ուրբաթ օրը փակվել են դրական ցուցանիշներով։ Dow Jones Industrial Average-ը բարձրացել է 0.13%-ով՝ հասնելով 39,497.54 կետի: S&P 500-ի արժեքը ավելացել է 0.46%-ով՝ հասնելով 5344.05 կետի: S&P 500-ի ֆյուչերսը երկուշաբթի նվազում է 0.03%-ով: Ճապոնական Nikkei 225-ը աճել է 0.33%-ով՝ հասնելով 35,421 կետի, Կորեական KOSPI-ն ավելանում է 1.14%-ով՝ հասնելով 2618.04 կետի, իսկ Չինական Shanghai Composite-ը նվազում է 0.22%-ով՝ հասնելով 2856.18 կետի: Մակրոէկոնոմիկա 1. Հուլիսին Չինաստանի սպառողական գները աճել են 0.5%-ով՝ տարեկան, ինչը առավելագույն աճն է փետրվարից ի վեր։ Շուկան սպասում էր գների 0.3% աճ: 2. Գերմանիայում հուլիս ամսին ինֆլյացիան համապատասխանել է կանխատեսումներին՝ կազմելով 0.3% ամսական, իսկ տարեկան աճը՝ 2.3%: Ապրանքային շուկաներ Ոսկու գինը աճում է, վաճառվելով մոտ 2436.5 դոլար մեկ ունցիայի համար: Նավթի գնանշումները ուրբաթ օրը բարձրացել են։ Brent նավթի գինը կազմում է 80.0 դոլար մեկ բարելի համար, իսկ WTI-ն՝ մոտ 77.3 դոլար մեկ բարելի համար: Կորպորատիվ իրադարձություններ/ միջոցառումներ 1. Take-Two Interactive ընկերությունը ներկայացրել է 2025 ֆինանսական տարվա առաջին եռամսյակի արդյունքները, որը ավարտվել է հունիսի 30-ին։ Take-Two-ն հայտնել է 1.34 միլիարդ դոլարի հասույթ՝ 4% տարեկան աճով։ Ընկերության հասույթի 97%-ը ստացվել է թվային վաճառքներից։ Ամենաշատ գումար բերել են շարժական խաղերը՝ 722.5 միլիոն դոլար՝ 6.2% տարեկան աճով։ Ընկերության զուտ կորուստները ավելացել են մինչև 262 միլիոն դոլար՝ նախորդ տարվա 206 միլիոնի դիմաց: 2. Ամերիկյան էներգետիկ Evergy ընկերությունը 2024 թվականի երկրորդ եռամսյակի արդյունքներով ստացել է 207 միլիոն դոլարի զուտ շահույթ՝ 16% տարեկան աճով։ Եռամսյակի հասույթը աճել է 6.9%-ով տարեկան՝ կազմելով 1.4 միլիարդ դոլար։ Ընկերության ծախսերը կազմել են 1.1 միլիարդ դոլար՝ 7.1% տարեկան աճով։ Հունիսի վերջում ակտիվների ծավալը գերազանցել է 31.8 միլիարդ դոլարը՝ 3% տարեկան աճով։ Հասույթի հիմնական մասը կազմել են բնակչության վճարումները։ Երկրորդ և երրորդ տեղերում՝ կոմերցիոն և արդյունաբերական ձեռնարկությունների վճարումները։ Cube Invest