Նոր նախագիծ․ Գյուղատնտեսական մի քանի արտադրատեսակի համար հարկային բեռը կթեթևացվի Շրջանառության մեջ դրված օրենսդրական նախագիծն ընդունելու և 2024-ից ուժի մեջ մտնելու դեպքում Կառավարությունը կանխատեսում է մսի, ցորենի, կարտոֆիլի գնի նվազում՝ 4-4.5 տոկոսով: Նախագիծն առաջարկում է ավելացված արժեքի հարկն այս ապրանքների դեպքում կրճատել երկու անգամ՝ 20-ից սահմանելով 10 տոկոս: Սկզբնական շրջանում բյուջեի մուտքերն իհարկե կնվազեն, բայց էկոնոմիկայի նախարարությունը հույս ունի, որ հարկերի լիբերալ քաղաքականությունը բազմաթիվ տնտեսվարողների ստվերից կհանի ու երկարաժամկետ առումով կլուծի թե բյուջետային մուտքերի ապահովման հարցը, թե սոցիալական որոշ խնդիրներ՝ գների նվազման հաշվին: