![ADS](https://abnews.am/wp-content/uploads/2022/04/abnews-ads.png)
![](https://abnews.am/wp-content/uploads/2022/06/RIAN_8109608.HR-pic_32ratio_900x600-900x600-15272.jpg)
ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ Ռուսաստանի պատասխանը տարանցման մասնակի արգելքին «գործնական» կլինի Լիտվայի համար,- փոխանցում է ՏԱՍՍ-ը։
«Կլինե՞ն բացառապես դիվանագիտական հարթությունում։ Պատասխան ՝ ոչ։ Դրանք կլինեն ոչ թե դիվանագիտական, այլ գործնական»,- ասել է Զախարովան։
Նա նշել է, որ արձագանքման հարցը միջգերատեսչական է. քննարկումն ընթանում է այլ նախարարությունների հետ համատեղ։ «Ե՛վ Լիտվային, և՛ ԵՄ-ին Մոսկվայում իրենց դիվանագիտական ներկայացուցչությունների միջոցով ասվել է, որ նման գործողություններն անթույլատրելի են, և որ ձեռնարկված քայլերը պետք է փոխվեն և իրավիճակը վերադարձվի օրինական դաշտ։ Եթե դա չարվի, ապա, իհարկե, և դա ընդգծվել է Մոսկվայում բոլոր մակարդակներում, պատասխան գործողություններն անխուսափելի կլինեն»,- զգուշացրել է Զախարովան։
Ավելի վաղ Կալինինգրադի նահանգապետ Անտոն Ալիխանովը ավերիչ պատասխան էր խոստացել բալթյան տնտեսության համար տարանցման արգելքին։
Մեկնաբանություն