Անցնող շաբաթվա այլ կարևոր իրադարձությունները ֆինանսական շուկաների համար ԱՄՆ աշխատանքի դեպարտամենտի զեկույցի համաձայն նոյեմբերին երկրում աշխատատեղերի թիվն ավելացել է 227,000-ով, իսկ գործազրկության մակարդակը 4.1%-ից աճել է մինչև 4.2%, ինչը ենթադրում է, որ դեկտեմբերին տոկոսադրույքների կրճատում կլինի: Reuters-ի կողմից կատարված հարցման արդյունքներով Կանադայի Կենտրոնական բանկը դեկտեմբերի 11-ին կայանալիք նիստին միանգամից 50 բազիսային կետով կնվազեցնի վերաֆինանսավորման տոկոսադրույքը՝ պայմանավորված նոյեմբերին գրանցված գործազրկության բարձր մակարդակով՝ 6,8%, ինչը վերջին 8 տարիների առավելագույն ցուցանիշն է։ Միացյալ թագավորության արդյունաբերական ոլորտի PMI ինդեքսը նոյեմբերին գրանցել է վերջին 9 ամիսների նվազագույն ցուցանիշը՝ պայմանավորած տեղացի և օտարերկրյա հաճախորդների կողմից կատարվող պատվերների ծավալների կրճատմամբ և մատակարարումների շղթայի շարունակական խափանումների հետևանքով առաջացած ծախսերի աճով։ Ռուսական ռուբլու փոխարժեքը գերացանցել է 1 ԱՄՆ դոլարի դիմաց 100-ի շեմը՝ պայմանավորված ՌԴ նախագահ Պուտինի կողմից ռուսական գազի դիմաց Եվրոպացի գնորդներին առաջարկող վճարման նոր տարբերակներով։ ԱՄՆ-ում գործազրկության նպաստի առաջնային դիմումների թիվը նոյեմբերի 30-ին ավարտվող շաբաթվա ընթացքում ավելացել է 9,000-ով և կազմել 224,000։