Վարորդների սթափության վիճակը որոշելու կարգում կատարվել են որոշ փոփոխություններ: Մասնավորապես` քաղաքացու դիմումի հիման վրա վարորդի սթափության վիճակի զննությունն իրականացվելու է միայն վարորդից վերցրած մեզի կամ արյան հետազոտության միջոցով: Սա արվում է խուսափելու համար արտաշնչած օդի մեջ մաքուր ալկոհոլի պարունակության միջոցով վարորդի սթափության վիճակի զննության արդյունքի եվ հետագայում բժշկական հասատատությունում նույն ստուգումը անցնելու անհամապատասխանությունից խուսափելու համար: Գործող կարգավորմամբ, տրանսպորտային միջոցը ոչ սթափ վիճակում վարելու համար սահմանված է վարչական տույժ , տույժ կա նաև սթափության վիճակը ստուգելու նպատակով զննություն անցնելուց խուսափելու համար: Այս պահի կարագավորումը վարորդին թույլ է տալիս խուսափել տուգանքից: Նախագծի ընդունմամբ, ոստիկանությունն ակնկալում է, որ կնվազի թույլտրված վարչական իրավախախտման համար վարչական տույժից խուսափելու հնարավորությունը, ինչը կհանգեցնի տրանսպորտային միջոցը ոչ սթափ վիճակում վարելու դեպքերի նվազման եւ ճանապարհային երթեւեկության անվտանգության ապահովման արդյունավետության:
Մեկնաբանություն