ՄԱԿ-ի պարենի համաշխարհային ծրագիրն ու Չինաստանը օգնում են ՀՀ ավելի քան 50 համայնքի Չինաստանի ժողովրդական հանրապետության արտակարգ և լիազոր դեսպան Ֆան Յոնգը և ՄԱԿ-իպարենի համաշխարհային ծրագրի ներկայացուցիչներն այցելել են Շիրակի մարզի Լուսակերտ գյուղ, որտեղ ՄԱԿ-ն իրականացնում է Կանաչ էներգիա արդյունավետ գյուղատնտեսության համար ծրագիրը։ Ծրագրի առաջին բաղադրիչով համայնքային կենտրոնին տրամադրվել է արևային կայան։ Տարեկան խնայողություններով համայնքը պատրաստվում է աջակցել գյուղատնտեսության զարգացմանը: Ծրագրի մյուս բաղադրիչով համայնքի տասնհինգ տնտեսություն ստացել են սերմեր ու անցել վերապատրաստման դասընթաց՝ ոչ ավանդական եղանակով հողագործության ու այգեգործության թեմայով: ՄԱԿ-ի պարենի համաշխարհային ծրագիրը Հայաստանի ավելի քան 50 համայնքներում նմանատիպ ծրագրեր է իրականացնում։ Իսկ Չինաստանը մտադիր է գյուղացիական տնտեսությունների աջակցության ծրագիրը առաջիկայում ընդլայնել։