Ճապոնիայի կառավարությունը կհամագործակցի միջազգային հանրության, առաջին հերթին «Մեծ յոթնյակի» (G7) գործընկերների հետ՝ Ռուսաստանից նավթի և նավթամթերքի ներմուծման արգելք սահմանելու հարցում՝ կապված Ուկրաինայի շուրջ ստեղծված իրավիճակի հետ։
ՏԱՍՍ-ի փոխանցմամբ՝ այս մասին հայտարարել է երկրի կառավարության գլխավոր քարտուղար Հիրոկաձու Մացունոն (Hirokazu Matsuno)։
«Մենք կցանկանայինք միջազգային հանրության, առաջին հերթին G7 երկրների հետ համագործակցությամբ, պատշաճ կերպով ուսումնասիրել արդյունավետ համարվող միջոցները»,- ասել է նա:
Հիշեցնենք, որ նախօրեին ԱՄՆ-ն ամբողջովին արգելել է ռուսաստանյան նավթի եւ գազի ներմուծումը:
«Ամերիկացիները միախմբվել են Ուկրաինայի ժողովրդին աջակցելու համար եւ հասկացնել են տվել, որ մենք չենք մասնակցելու Պուտինի պատերազմի սուբսիդավորմանը։ Մենք այս որոշումը կայացրել ենք ամբողջ աշխարհում՝ հատկապես Եվրոպայում, մեր դաշնակիցների եւ գործընկերների հետ սերտ խորհրդակցություններից հետո»,- հայտարարել էր ԱՄՆ նախագահ Ջո Բայդենը՝ ելույթ ունենալով Սպիտակ տանը:
Մեկնաբանություն