Օգոստոսի 1-ից QR կոդով մեկերթ տոմսի թղթային տարբերակը դուրս կգա շրջանառությունից
Վրաստանում տարեկան գնաճի մակարդակը կազմել է 4.0 տոկոս
Տեխասում առնվազն 24 մարդ է մահացել աղետալի ջրհեղեղի հետևանքով․ ևս 25 մարդ անհետ կորած է
Ռուսաստանի քաղաքացիները պարտավոր են փոխել անձնագրերը, եթե նրանց արտաքին տեսքը զգալիորեն փոխվել է
Թրամփը պատրաստվում է բանակցություններ սկսել TikTok-ի վաճառքի վերաբերյալ հնարավոր գործարքի շուրջ
Աշխատանք կա, բայց ուրիշի համար. ում է փնտրում 2025-ի աշխատաշուկան. մանրամասները՝ ABNews.am կայքում
Աշխատակիցները թաքուն են օգտագործում ԱԲ, սակայն դա կարող է վտանգավոր լինել. մանրամասները՝ ABNews.am կայքում
ԱՄՆ-ն սպառնում է ԵՄ-ին սննդամթերքի արտահանման վրա 17% մաքսատուրքով
BRICS երկրների ֆինանսական ակտիվների ծավալը գերազանցել է 60 տրիլիոն դոլարը
Չինաստանը հակադեմպինգային մաքսատուրքեր է սահմանել եվրոպական կոնյակի վրա
Թրամփը կարող է այս տարի Չինաստան մեկնել. Bloomberg
2025-ի մայիսին ՀՀ աշխատատեղերը հասել են 790 հազարի՝ 2018-ի համեմատ աճելով 198.6 հազ․ կամ 33.9%-ով
Հունիսին Հայաստանում գները նվազել են մայիսի համեմատ. տարեկան գնաճը կազմել է 3.9%
Ինչի համար ենք բոլորս վճարում մեր գրպանից. Հայաստանը սուբսիդավորում է օդը. վերլուծությունը abnews.am-ում
Ուջանի մոտից երթևեկությունը տեղափոխվում է Հյուսիս-հարավի նորակառույց ճանապարհ
Մեկ օրում բացահայտվել է 108 հանցագործություն, որոնցից 6-ը՝ նախկինում կատարված
Մոսկվայում հայտնաբերվել է «Տրանսնեֆտ»-ի փոխնախագահի դին
Հունիսին գները նվազել են 1.3%, տարեկան գնաճը՝ 3.9%, բանջարեղենը՝ -23.6%, դրամը՝ 384.2 դրամ
2025-ի մարտի դրությամբ Վրաստանի արտաքին պարտքը կազմել է 25.5 միլիարդ դոլար
Տրանսպորտի վճարման թղթային QR կոդով տարբերակն օգոստոսի 1-ից դուրս կգա շրջանառությունից

S&P Global Ratings-ն իջեցրել է Ռուսաստանի երկարաժամկետ վարկային վարկանիշը

Մրտ 18, 2022 23:31
39

S&P Global Ratings միջազգային վարկանիշային գործակալությունն իջեցրել է Ռուսաստանի Դաշնության երկարաժամկետ վարկային վարկանիշը ազգային եւ արտարժույթով «CCC-»-ից մինչեւ «CC», հայտնում է «Ինտերֆաքս»-ը։

Փոխանցման եւ կոնվերտացման ռիսկի վարկանիշը եւս իջեցվել է «CCC-»-ից մինչեւ «CC»: Կարճաժամկետ վարկանիշները մնում են «C» մակարդակում: Վարկանիշները շարունակում են վերանայվել՝ բացասական կանխատեսմամբ, նշում է S&P-ն:

 

Երկարաժամկետ վարկանիշների վատթարացումը պայմանավորված է ակնկալիքներով, որ առաջիկա շաբաթներին Ռուսաստանը տեխնիկական դժվարությունների կբախվի եվրոբոնդերի սպասարկման հարցում։ «Մեր վարկանիշներն արտացոլում են էմիտենտի՝ ժամանակին եւ ամբողջությամբ իր ֆինանսական պարտավորությունները կատարելու կարողությունը եւ պատրաստակամությունը՝ պարտավորությունների պայմանների համաձայն, այդ թվում՝ վճարման արժույթի մասով: Եթե ​​ներդրողները մուտք չուն ստանում դրամական միջոցներին կամ եթե վճարումը կատարվում է պարտավորությունների պայմաններում չնշված արժույթով եւ մենք կարծում ենք, որ ներդրողը չի համաձայնում այլընտրանքային վճարումներին, ապա մենք կարող ենք այդպիսի իրավիճակը որպես դեֆոլտ դիտարկել»,- ասվում է S&P-ի հայտարարության մեջ:

«Վարկանիշի վատթարացումը նշանակում է, որ Ռուսաստանը դեֆոլտի եզրին է,- ասել է Wells Fargo-ի ստրատեգ Բրենդան Մաքքենան:- Բայց, ըստ էության, դա արտացոլում է Ռուսաստանի՝ պարտատոմսերի սեփականատերերին վճարելու ունակության վատթարացումը։ Պատժամիջոցները սահմանափակել են Ռուսաստանի մուտքը դոլարներին, իսկ կուպոնային վճարումները պետք է կատարվեն դոլարով»:

Ինչպես հաղորդվում էր, չորեքշաբթի Ռուսաստանը պետք է 117 մլն դոլար կուպոնային եկամուտ վճարեր եվրոբոնդեր ունեցողներին: Երկուշաբթի ՌԴ ֆինանսների նախարարությունը հայտնեց, որ վճարային հանձնարարական է ուղարկել կուպոնային վճարման համար, իսկ հինգշաբթի առավոտյան ֆինանսների նախարարությունը հայտարարեց, որ վճարային հանձնարարականը կատարված է. եվրոբոնդերի տերերը ստացել են իրենց հասանելիք վճարումները, նախօրեին հայտնել են արեւմտյան ԶԼՄ-ները՝ վկայակոչելով անանուն աղբյուրները։

«Մենք կարծում ենք, որ ռուսական պարտքի սպասարկման վճարումները եվրոբոնդերի տեսքով կարող են նույնպիսի տեխնիկական մարտահրավերների բախվել առաջիկա շաբաթներին,- գրում են S&P-ի վերլուծաբանները:- Բացի այդ, ԱՄՆ պատժամիջոցներից ազատումը կավարտվի մայիսի 25-ին, ինչը կարող է էլ ավելի բարդացնել պարտքի ժամանակին սպասարկումը Ռուսաստանի համար»։

Կուպոնային եկամտի վճարումների հետ կապված դժվարությունները պայմանավորված էին ԱՄՆ-ի եւ ԵՄ-ի կողմից Ռուսաստանի դեմ աննախադեպ խիստ պատժամիջոցների կիրառմամբ՝ Ուկրաինայում ռազմական օպերացիային ի պատասխան, այդ թվում՝ ռեզերվների սառեցման։ Ռուսաստանը պատասխանեց խիստ արժութային վերահսկողության միջոցառումներով:

S&P-ն շարունակում է Ռուսաստանի վարկանիշների վերանայումը՝ բացասական կանխատեսմամբ։