Վրաստանում լոլիկի գինը բարձրացել է 170%-ով Վրաստանում կլոր լոլիկի միջին մեծածախ գինը այս շաբաթ հասել է պատմական առավելագույնին: Գները 170%-ով բարձր են, քան մեկ տարի առաջ էր: Սա տարեկան կտրվածքով ուսումնասիրվող մթերքների համար մեկ շաբաթվա ընթացքում ամենաբարձր աճն է: Վրացական շուկայում լոլիկի մատակարարումը գագաթնակետին է հասնում, երբ շուկա է մտնում բաց գրունտի լոլիկը: Դա տեղի է ունենում օգոստոսին: Հուլիսի երկրորդ կեսին առաքումը հիմնականում կատարվում է տեղական բարձր ժապավենավոր թունելներից: Կան վաղահաս սորտեր, բայց նրանց բաժինը շատ փոքր է: Հուլիսի վերջի մոտենալուն զուգահեռ բարձր թունելներից մատակարարումը կրճատվում է, շուկայում լոլիկ քիչ է մնում, իսկ գինը  ժամանակավորապես բարձրանում է: Այս տարի առաջարկը մեկ շաբաթ շուտ է անկում ապրել, ինչը հանգեցրել է շատ բարձր գնաճի: