Ռուսաստանցիների աշնանային հանգստի համար ամենաէժան երկրների ցանկում է նաև Հայաստանը

Ռուսաստանցիներն աշնանն ավելի էժան կարող են հանգստանալ Աբխազիայում, առավել հասանելի են նաեւ Թուրքիան, Հայաստանը, Եգիպտոսը եւ ԱՄԷ-ն։ Աբխազիա մեկշաբաթյա ուղեգրի միջին արժեքը երկու ուղղությամբ թռիչքի հաշվառմամբ 25,1 հազար ռուբլի է՝ մեկ մարդու համար, Եգիպտոս՝ մոտ 53,7 հազար ռուբլի, Հայաստան՝ մոտ 56,5 հազար ռուբլի, Իրան՝ մոտ 93,2 հազար ռուբլի: ՏԱՍՍ-ի հարցմանը հայտնել են տուրօպերատորները։ Սեպտեմբերին օգոստոսի համեմատ շրջագայությունների արժեքը գրեթե բոլոր ուղղություններով նվազել է, քանի որ հանգստի թեժ սեզոնը եւ արձակուրդներն ու հանգստյան ժամանակն ավարտվել են։ Միայն ԱՄԷ ուղեւորությունն է մի փոքր թանկացել՝ ավելի հարմարավետ եղանակի հետ կապված, բացատրել է ընկերությունը։