Հայաստա՞նը, թե՞ Թուրքիան կշահի կարգավորման գործընթացից Դիտարկենք հարցը աշխարհաքաղաքական զարգացումների հետևանքով Հայաստան ժամանած օտարերկրացիների, նրանց այստեղ մնալու, հաստատվելու, բիզնես տեղափոխելու, տնտեսական գործունություն իրականացնելու մեզ համար լուրջ հնարավորությունների տեսանկյունից: Նշենք, որ արդեն իսկ կան որոշ գնահատականներ առ այն, որ այստեղ տեղափոխվածների բավական զգալի հատված Հայաստանից մեկնել է երրորդ երկրներ, նշվում են անգամ ուղղությունները՝ առավելապես Վրաստան, Ադրբեջան, Թուրքիա: Այս միտումը հաշվի առնելով, առաջանում է հարց, թե ո՞ր երկիրն է առավելապես շահելու ցամաքային սահմանն օտարերկրյա քաղաքացիների կողմից հատելու գործընթացից: Ո՞ր երկիրն է և՛ օբյեկտիվ և՛ սուբյեկտիվ գործոններով պայմանավորված ավելի գրավիչ: Պատրաստվա՞ծ է Հայաստանն այս հնարավոր զարգացմանը, կարողացե՞լ է լիարժեք ապահովել հակառակը գործընթացի հիմքերը: Ինչ վերաբերում է օդային ուղիղ բեռնափոխադրումների իրականացմանը: Հարցադրումը նույնն է. արտահանելի ապրանքների տեսանկյունից ո՞ր երկիրն է շահելու այս որոշումից: