Զովունիում գտնվող գազալցակայանի գործունեությունը կասեցվել է. Պատճառը հայտնի է

Տնտեսվարող սուբյեկտը կենթարկվի վարչական պատասխանատվության՝ օրենքով սահմանված կարգով։

ՀՀ Շուկայի վերահսկողության տեսչական մարմինը իրականացրել է վերահսկողական գործողություններ հեղուկացված ածխաջրածնային գազի վաճառքով զբաղվող «ԷԴՈ ՍԱՐՈՒԽ» ՍՊԸ-ին պատկանող լցակայանում (Կոտայքի մարզ, Զովունի 1, 239)։

Տեսչական մարմնից հայտնում են, որ ստուգման արդյունքում պարզվել է, որ ընկերության կողմից շահագործվող  վառելիքաբաշխիչ աշտարակը ստուգաչափված չի եղել:

Հայտնաբերված խախտման հետևանքով գազալցակայանի գործունեությունը կասեցվել է մինչև խախտման վերացումը։

Տնտեսվարող սուբյեկտը կենթարկվի վարչական պատասխանատվության՝ օրենքով սահմանված կարգով։