ՀՀ պաշտպանության նախարարի առաջին տեղակալ, Զինված ուժերի գլխավոր շտաբի պետ, գեներալ-լեյտենանտ Էդվարդ Ասրյանը այցելել է Հայաստանի Հանրապետության արևելյան սահմանագոտի։ Տեղեկությունը հայտնում է ՀՀ պաշտպանության նախարարությունը։
Այցի ընթացքում ԶՈՒ ԳՇ պետը, զորամիավորման հրամանատար գեներալ-մայոր Գարեգին Պողոսյանի ուղեկցությամբ, եղել է մի շարք բանակային դիրքերում։ Նա հանդիպել է հերթապահություն իրականացնող զինծառայողների հետ և տեղում ծանոթացել ծառայության իրականացման պայմաններին։
Այցի շրջանակում զինանձնակազմին փոխանցվել են նվերներ՝ գալիք տոների կապակցությամբ։ Պաշտոնական հաղորդագրության համաձայն՝ այցը նպատակ ուներ պահպանել հրամանատարական կապը առաջնագծում ծառայություն իրականացնող ստորաբաժանումների հետ։
