«Զանգեզուր» կենսոլորտային համալիրում արձանագրվել են ընձառյուծի թարմ հետքեր

Մասնագետների կողմից մշտադիտարկման աշխատանքները շարունակվում են

ՇՄՆ «Զանգեզուր» կենսոլորտային համալիր» ՊՈԱԿ-ի և Բնության համաշխարհային հիմնադրամի (WWF-Armenia) համագործակցության շրջանակում իրականացվող համատեղ մշտադիտարկման աշխատանքների ընթացքում արձանագրվել են ընձառյուծի թարմ հետքեր։ Այս մասին հայտնում են ՀՀ շրջակա միջավայրի նախարարությունից։

Չնայած եղանակային անբարենպաստ պայմաններին՝ «Զանգեզուր» կենսոլորտային համալիր» ՊՈԱԿ-ի և WWF-Armenia-ի մասնագետները շարունակում են կենդանական աշխարհի մշտադիտարկման աշխատանքները ՇՄՆ կառավարման ներքո գտնվող բնության հատուկ պահպանվող տարածքներում։

Հաղորդագրության համաձայն՝ իրականացված դիտարկումների առաջին օրվա արդյունքներով արձանագրվել է ընձառյուծի առաջին թարմ հետքը, ինչը վկայում է տարածաշրջանում այս հազվագյուտ և պահպանության հատուկ կարգավիճակ ունեցող գիշատչի առկայության մասին։

Մասնագետների կողմից մշտադիտարկման աշխատանքները շարունակվում են՝ նպատակ ունենալով գնահատել կենսաբազմազանության վիճակը և ուժեղացնել վայրի բնության պահպանության միջոցառումները։