Զանգակատան միջնակարգ դպրոցի բակից կհեռացվի Պարույր Սևակի քանդակը

Քննադատությունները հիմնականում այն մասին են, որ քանդակը չի արտացոլում բանաստեղծի կերպարը։

Պարույր Սևակի անվան տուն-թանգարանը տեղեցանում է, որ Զանգակատան միջնակարգ դպրոցի բակից հեռացվելու է Պարույր Սևակի աղմկահարույց քանդակը։

Տուն-թանգարանի տարածած հաղորդագրության մեջ ասված է.

«Տեղեկացնում ենք, որ ամփոփվել են Լ․ Թոքմաջյանի քանդակի հեռացման վերաբերյալ անցկացված հարցման արդյունքները։ Շնորհակալություն ենք հայտնում հարցմանը մասնակցած բոլոր անձանց։ Միաժամանակ ընդգծում ենք, որ հաշվի են առնվել միայն Զանգակատուն համայնքի բնակիչների քվեները։ Համայնքի բնակիչների քվեարկության արդյունքներով՝ 79,9% և 20,1% տոկոսային հարաբերակցությամբ, որոշում է կայացվել Զանգակատան միջնակարգ դպրոցի բակից հեռացնել վերոնշյալ քանդակը»։

Նշենք, որ արձանի վերաբերյալ քննարկումներ էին սկսվել, երբ քանդակագործ Լևոն Թոքմաջյանը որոշել էր իր նվերն անել Պարույր Սևակի ծննդավայրին: Քննադատությունները հիմնականում այն մասին են, որ քանդակը չի արտացոլում բանաստեղծի կերպարը։