Երևանում հանքեր շահագործողների համար սահմանվել են նոր բարեկարգման պարտադիր պահանջներ

Պարտադիր է նաև հանքից դուրս եկող մեքենաների անիվների լվացման ապահովումը։

Երևանի ավագանու որոշմամբ փոփոխություններ են կատարվել հանքեր շահագործող ընդերք օգտագործողների նկատմամբ գործող կարգավորումներում։

2026 թվականի մարտի 2-ից ուժի մեջ մտած փոփոխություններով սահմանվել են պարտադիր բարեկարգման մի շարք պահանջներ։

Մասնավորապես՝ նախատեսվում է հանքի հարակից ընդհանուր օգտագործման ճանապարհների բարեկարգում, խճապատում և վերանորոգում։

Պարտադիր է նաև հանքից դուրս եկող մեքենաների անիվների լվացման ապահովումը, ինչպես նաև փոշու նվազեցման նպատակով ջրցան սարքավորումների տեղադրումը։

Նոր կարգավորումներով նախատեսվում է նաև օդի որակի մոնիթորինգի սարքավորումների տեղադրում՝ տվյալների առցանց հասանելիությամբ և համայնքի կողմից վերահսկման հնարավորությամբ։

Քաղաքապետարանը նշել է, որ պահանջների չկատարման դեպքում կկիրառվեն վարչական պատասխանատվության միջոցներ։

Կարգավորումները ուղղված են շրջակա միջավայրի ազդեցության նվազեցմանը և համայնքային վերահսկողության ուժեղացմանը։