Երևանի ու Անկարայի հարաբերությունների կարգավորումը Հարավային Կովկասում կայուն խաղաղության պարտադիր նախադրյալներից է. Զախարովա

Երևանի ու Անկարայի հարաբերությունների կարգավորումը Հարավային Կովկասում կայուն խաղաղության պարտադիր նախադրյալներից է. Զախարովա

Ռուսաստանի արտգործնախարարության պաշտոնական ներկայացուցիչ Մարիա Զախարովան մեկնաբանել է սեպտեմբերի 12-ին Հայաստանի և Թուրքիայի հատուկ ներկայացուցիչներ Ռուբեն Ռուբինյանի և Սերդար Քըլըչի հանդիպումը:

Ռուսական կողմը մշտապես հանդես է գալիս երկու հարևան պետությունների շուտափույթ հաշտեցման օգտին՝ ճեպազրույցի ժամանակ հայտարարել է Զախարովան: Նրա խոսքով՝ Երևանի ու Անկարայի հարաբերությունների կարգավորումը Մոսկվան դիտարկում է որպես Հարավային Կովկասում կայուն խաղաղության վերականգնման և զարգացման ապահովման պարտադիր նախադրյալներից մեկը:

Ռուսաստանի ԱԳՆ խոսնակը նշել է, որ պատրաստ են հետագայում աջակցել այդ ուղղությամբ գործադրվող ջանքերին, այդ թվում՝ «3+3» տարածաշրջանային համագործակցության հարթակի շրջանակում։