«Երևան» երիտասարդական նվագախմբի երեխաները հատուկ չվերթով վերադարձել են Երևան

Նրանք Բեյրութում մասնակցում էին «Ալ Բուստան» հեղինակավոր միջազգային փառատոնին։

Երևանի քաղաքապետ Տիգրան Ավինյանը հայտնել է, որ քաղաքապետարանի «Երևան» երիտասարդական նվագախմբի երեխաները հատուկ չվերթով վերադարձել են Երևան։

Նրանք Բեյրութում մասնակցում էին «Ալ Բուստան» հեղինակավոր միջազգային փառատոնին։

Քաղաքապետի խոսքով՝ տարածաշրջանում իրավիճակի կտրուկ սրման պայմաններում Երևանի քաղաքապետարանի նախաձեռնությամբ այսօր առավոտյան կազմակերպվել է հատուկ չվերթ, որի միջոցով երիտասարդ երաժիշտները վերադարձել են Հայաստան։

Տիգրան Ավինյանը շնորհակալություն է հայտնել Լիբանանում ՀՀ դեսպանին և լիբանանյան ազգային ավիաընկերությանը՝ երեխաների անվտանգ տեղափոխումն ապահովելու համար։