Աշխարհի ամենաթանկ բրենդները 2025-ին. Apple-ը շարունակում է մնալ առաջատարը

Interbrand գործակալությունը հրապարակել է աշխարհի ամենաթանկ բրենդների (ապրանքային նշան) ցանկը՝ 2025-ի տվյալներով:

Apple-ը, Microsoft-ը և Amazon-ը շարունակում են ձևավորել առաջատար եռյակը:

Apple-ը պահպանում է աշխարհի ամենաթանկ բրենդի դիրքը՝ 470.9 մլրդ դոլար արժեքով (4%-ով պակաս՝ նախորդ տարվա համեմատ)։

Microsoft-ն աճել է 10%-ով՝ հասնելով 388.5 մլրդ դոլարի, իսկ Amazon-ը աճել է 7%-ով՝ հասնելով 319.9 մլրդ դոլարի։

Google-ը գրանցել է 9% աճ՝ հասնելով 317.1 մլրդ դոլարի։

Samsung-ը պահպանել է 5-րդ հորիզոնականը՝ 90.5 մլրդ դոլար արժողությամբ և 10% անկմամբ։

Toyota-ն նույնպես պահպանել է իր նախորդ տարվա դիրքը՝ մնալով 6-րդ հորիզոնականում՝ 74.2 մլրդ դոլար արժողությամբ և 2% աճով։

Instagram-ն առաջին անգամ ընդգրկվել է լավագույն տասնյակում՝ 8-րդ հորիզոնականում՝ 57.3 մլրդ դոլար գնահատմամբ և 27% աճով։

Coca-Cola-ն 7-րդ հորիզոնականում է՝ հանդիսանալով ցուցակում ամենաբարձր տեղ զբաղեցնող ոչ տեխնոլոգիական բրենդը՝ 60.1 մլրդ դոլար արժողությամբ և 2% անկմամբ։

McDonald’s-ը՝ 53 մլրդ դոլար արժողությամբ, միացել է առաջին տասնյակին՝ 4% աճով։

Mercedes-Benz-ը եզրափակում է առաջին տասնյակը՝ 50.1 մլրդ դոլար արժողությամբ և 15% անկմամբ։

Այս տարվա զեկույցը աչքի է ընկել նշանակալի փոփոխություններով՝ ռեկորդային թվով նոր մասնակիցներով և որոշ բրենդների համար աննախադեպ աճով։