Աշխարհում կոնյակի վաճառքը կրճատվել է 13.4%-ով՝ հասնելով 2.7 մլրդ եվրոյի

Շքեղ VSOP և XO կոնյակների վաճառքը կրճատվել է, մինչդեռ մատչելի և երիտասարդ տեսակների պահանջարկը աճել է:

Ֆրանսիական մասնագիտական ասոցիացիա BNIC-ի տվյալներով՝ վերջին 12 ամիսների ընթացքում մինչև 2025 թ. հուլիսի վերջը աշխարհում կոնյակի վաճառքից ստացված եկամուտը կրճատվել է 13.4%-ով՝ հասնելով 2.7 միլիարդ եվրոյի։ Մատակարարումների ծավալը նվազել է ավելի մեղմ՝ 4.2%-ով և կազմել 154.6 միլիոն շիշ։

Մեկնաբանելով նվազումը, BNIC-ը նշել է, որ արժեքի կրճատումը գերազանցում է ծավալների նվազումը, քանի որ սպառողները առավել հաճախ անցնում են ավելի երիտասարդ և մատչելի կոնյակների, որոնց մատակարարումները աճել են 2.6%-ով։ Միևնույն ժամանակ, շքեղ կատեգորիաների՝ VSOP-ի և XO-ի վաճառքները կրճատվել են համապատասխանաբար 11.3%-ով և 12.9%-ով։

Չինաստան արտահանումը տարվա կտրվածքով կրճատվել է 24.4%-ով՝ հիմնականում կոնյակի ներմուծման մաքսատուրքերի կիրառման հետևանքով։ Հուլիսին այս մաքսատուրքերը ժամանակավորապես դադարեցվել են հիմնական մատակարարների նկատմամբ։ Հյուսիսային Ամերիկայում եկամուտը նվազել է 4.6%-ով, Եվրոպայում՝ 11%-ով։

Այդուհանդերձ, մատակարարումները դեպի այլ երկրներ աճել են 19.9%-ով, քանի որ արտադրողները փորձում են դիվերսիֆիկացնել եկամուտների աղբյուրները և նվազեցնել կախվածությունը ԱՄՆ-ից և Չինաստանից։ Այս հատվածը դեռևս փոքր է՝ կազմելով ընդամենը 17.5 միլիոն շիշ։