Թրամփի խոսքերով՝ օրվա վերջում հստակ կարող է խոսել Ուկրաինայում ամերիկյան զորքերի տեղակայման հնարավորության մասին:

Մենք կունենանք խաղաղություն: Հուսով եմ, որ այն անմիջապես կհաստատվի: Այս մասին Ուկրաինայի նախագահ Վոլոդիմիր Զելենսկու հետ հանդիպմանն ասել է ԱՄՆ նախագահ Դոնալդ Թրամփը։

«Տեսեք, պատերազմը կավարտվի։ Թե երբ, ես չեմ կարող ձեզ ասել: Բայց պատերազմը կավարտվի։ Պուտինը ցանկանում է, որ այն ավարտվի»,- ասել է Թրամփը։

Նա հայտարարել է, որ այսօր «կամ կլինի համաձայնագիր, կամ՝ ոչ»:

«Եթե ոչ, ապա Ուկրաինայի աջակցությունը կդադարեցվի»,- ասել է նա:

Թրամփի խոսքերով՝ օրվա վերջում հստակ կարող է խոսել Ուկրաինայում ամերիկյան զորքերի տեղակայման հնարավորության մասին: ԱՄՆ նախագահը, պատասխանելով հարցին, թե արդյոք քննարկվում է Ուկրաինայում եվրոպական ուժերի ներկայությունը, հայտարարել է, որ այդ մասին կարող է հայտարարվել ԵՄ ղեկավարների հետ հանդիպումից հետո:

Թրամփը հայտարարել է, որ լավ առաջընթաց է գրանցվել Պուտինի հետ հանդիպման ժամանակ և հույս ունի, որ Զելենսկու հետ հանդիպմանը կհաջողվի առաջընթաց գրանցել։

«Ուկրաինայի նախագահին այստեղ տեսնելը մեծ պատիվ է: Եթե այսօր ամեն ինչ լավ ընթանա, եռակողմ հանդիպում կլինի»,- ասել է Թրամփը։