ԵՄ-ից պահանջում ենք իրավունքի գերակայություն և հավասար մոտեցում․ Ռոբերտ Ամստերդամ

Ամստերդամի խոսքով՝ աջակցությունը պետք է տրամադրվի հավասար և թափանցիկ կերպով բոլոր քաղաքական ուժերին։

Միջազգային փաստաբան Ռոբերտ Ամստերդամը հայտարարել է, որ Հայաստանի հետ կապված Եվրամիության գործողություններում պետք է առաջնահերթ լինի իրավունքի գերակայությունը։

Ֆեյսբուքյան իր էջում նա նշել է, որ ողջունում է ԵՄ արագ արձագանքման խմբի գործունեությունը, սակայն միաժամանակ ներկայացրել է մի շարք պահանջներ։

Ամստերդամի խոսքով՝ աջակցությունը պետք է տրամադրվի հավասար և թափանցիկ կերպով բոլոր քաղաքական ուժերին։

Նա նաև ընդգծել է, որ խմբի գործունեությունը պետք է լինի բաց և հասանելի հայաստանյան բոլոր շահագրգիռ կողմերի և հանրային խմբերի համար։

«Առանցքային ուշադրություն պետք է դարձվի իրավունքի գերակայությանը»,- նշել է նա։

Փաստաբանի գնահատմամբ՝ միայն այս սկզբունքների պահպանումը կարող է ապահովել վստահելի և արդյունավետ համագործակցություն։