Վաշինգտոնը Թեհրանից դեռ չի ստացել խոստում՝ երբեք միջուկային զենք չմշակելու վերաբերյալ․ Թրամփ

Ամերիկյան առաջնորդը նշել է, որ նախընտրում է դիվանագիտական համաձայնության հասնել Իրանի հետ։

ԱՄՆ նախագահ Դոնալդ Թրամփը հայտարարել է, որ Վաշինգտոնը Թեհրանից դեռևս չի ստացել խոստում՝ երբեք միջուկային զենք չմշակելու վերաբերյալ։ 

«Նրանք ցանկանում են գործարք կնքել, բայց մենք չենք լսել նվիրական բառերն այն մասին, որ նրանք երբեք միջուկային զենք չեն ունենա»,- ասել է Թրամփը Կոնգրեսին ուղղված երկրի վիճակի մասին իր ուղերձում։

Ամերիկյան առաջնորդը նշել է, որ նախընտրում է դիվանագիտական համաձայնության հասնել Իրանի հետ։

Միևնույն ժամանակ, նրա խոսքով, Թեհրանը ստեղծել է հրթիռներ, որոնք կարող են հասնել Եվրոպա, և աշխատում է այնպիսի համակարգերի վրա, որոնք ունակ կլինեն հասնել ԱՄՆ տարածք։

Ավելի վաղ Թրամփը հայտարարել էր, որ չի բացառում Իրանի նկատմամբ սահմանափակ հարվածի հնարավորությունը։ The Wall Street Journal-ի տվյալներով՝ առաջին փուլում կարող են թիրախավորվել ռազմական կամ կառավարական օբյեկտներ, իսկ եթե Թեհրանը չհրաժարվի ուրանի հարստացումից, հնարավոր է ավելի լայնամասշտաբ գործողություն պետական ենթակառուցվածքների դեմ։