Խոցելիություն WhatsApp-ում. միլիարդավոր օգտատերեր կարող են հայտնվել ռիսկի տակ

Կիբեռանվտանգության մասնագետները հայտնաբերել են վտանգավոր խոցելիություն WhatsApp-ում, որը թույլ է տալիս հաքերներին հեռակա վերահսկել Apple-ի սարքերը (iPhone, iPad, Mac)՝ պարզապես ուղարկելով վարակված լուսանկար։ Վատագույնը՝ օգտատիրոջից ոչինչ չի պահանջվում, նույնիսկ լուսանկարը բացել պետք չէ։

Խնդիրը կապված է երկու ծրագրային սխալների հետ, որոնք WhatsApp-ը դեռ չի շտկել։ Դրանց միջոցով հնարավոր է սարքում գործարկել վնասակար կոդ՝ առանց օգտատիրոջ գիտակցության։

Հաքերները կարող են վերահսկել սարքը, կարդալ նամակներ և անձնական ֆայլեր, տեղադրել լրտեսող ծրագրեր։

Ովքե՞ր են վտանգի տակ

Բոլոր նրանք, ովքեր օգտագործում են WhatsApp իրենց Apple սարքերում։ Վնասը կարող է լինել զանգվածային, քանի որ մեսենջերն ունի միլիարդավոր օգտատերեր։

Ինչպե՞ս պաշտպանվել

• Թարմացրու WhatsApp-ը App Store-ից

• Թարմացրու iOS / iPadOS / macOS համակարգը

• Զգուշացիր անծանոթներից ստացվող հաղորդագրություններից, հատկապես՝ լուսանկարներով։

Ինչու է սա կարևոր

Հարձակումը տեղի է ունենում ամբողջովին աննկատ։ Սա ցույց է տալիս, որ նույնիսկ պաշտպանված համակարգերը կարող են խոցելի լինել։ Թարմացումները և զգոնությունը կարևոր են։