Վենսը պատրաստակամություն է հայտնել ստանձնել երկրի նախագահի պաշտոնը, եթե Թրամփի հետ ինչ-որ բան պատահի

Վենսը պատրաստակամություն է հայտնել ստանձնել երկրի նախագահի պաշտոնը, եթե Թրամփի հետ ինչ-որ բան պատահի:

ԱՄՆ փոխնախագահ Ջ.Դ. Վենսը պատրաստակամություն է հայտնել ստանձնել երկրի նախագահի պաշտոնը, եթե 79-ամյա ամերիկացի առաջնորդ Դոնալդ Թրամփի հետ ինչ-որ բան պատահի։ Այս մասին հաղորդում է «Ռիա Նովոստի»-ն:

«Վերջին 200 օրվա ընթացքում ես շատ լավ փորձուսուցում եմ անցել:  եթե, Աստված մի արասցե, սարսափելի ողբերգություն տեղի ունենա, չեմ կարող պատկերացնել ավելի լավ գործնական մարզում, քան այն, ինչ ստացել եմ», - ասել է Վենսը USA Today-ին տված հարցազրույցում՝ պատասխանելով այն հարցին, թե արդյոք նա պատրաստ է ստանձնել գերագույն հրամանատարի դերը և ինչո՞ւ ամերիկացիները պետք է վստահեն նրան երկիրը ղեկավարելու հարցում։

Վենսը հավելել է, որ Թրամփը աներևակայելի լավ առողջական վիճակում է և լի է էներգիայով։