Վենեսուելայի նախագահը 25000 զինվորականի զորահավաք է անցկացնում՝ սահմանները պաշտպանելու համար

Վենեսուելայի նախագահը 25000 զինվորականի զորահավաք է անցկացնում՝ սահմանները պաշտպանելու համար: Նիկոլաս Մադուրոյի խոսքով՝ զորահավաքի նպատակն է պաշտպանել ազգային ինքնիշխանությունը, երկրի անվտանգությունն ու խաղաղության համար պայքարը։ Զորքերը կուղարկվեն Կոլումբիայի հետ սահմաններ, ինչպես նաև Կարիբյան ծովի և Ատլանտյան օվկիանոսի ափեր։

Venezolana de Televisión հեռուստաալիքը նշում է, որ սա Վենեսուելայի ժամանակակից պատմության մեջ պետական սահմանները պաշտպանելու համար ամենամեծ զորահավաքներից մեկն է և տեղի է ունենում Վենեսուելայի ու ԱՄՆ-ի միջև հարաբերություններում լարվածության ֆոնին։

Հուլիսի վերջին Վաշինգտոնը Վենեսուելայի նախագահին մեղադրել էր Cartel de Los Soles խմբավորումը ղեկավարելու և «ամերիկյան կյանքերի վերացմամբ ու կիսագնդի ապակայունացմամբ» փող աշխատելու համար։ Դրանից հետո Նահանգները Վենեսուելայի ափեր է ուղարկել ականակիրներ՝ թմրավաճառության դեմ պայքարի նպատակով։ Վաշինգտոնը նաև մինչև 50 մլն դոլար է խոստացել  տեղեկությունների համար, որոնք կօգնեն ձերբակալելու Վենեսուելայի նախագահ Նիկոլաս Մադուրոյին: