Վարորդական վկայականի քննությունները հնարավոր կլինի հանձնել տարբեր ստորաբաժանումներում. ՆԳ նախարար

«Մեր քաղաքացիները կարող են ազատորեն մուտք գործել հարթակ, տեսնել՝ որ օրն է հասանելի, և եթե, պայմանականորեն, տեսական քննությունը հանձնել են Երևանի հաշվառման քննական ստորաբաժանումում, և մոտակա օրը հասանելի է այլ վայրում, կարող են ազատօրեն գործնական քննության համար գրանցվել տվյալ մարզում և հանձնել քննությունը», - Կառավարության նիստում հայտնել է ներքին գործերի նախարար Արփինե Սարգսյանը՝ անդրադառնալով վարորդական իրավունքի տեսական և գործնական քննության հանձման ընթացակարգին։

Նախարարի խոսքով՝ հանվել է կանոնը, որ եթե, օրինակ, Երևանի հաշվառման քննական ստորաբաժանումներում էր անձը հանձնում տեսական քննություն, պարտավոր էր գործնական քննությունը ևս նույն տարածքային ստորաբաժանումում հանձնել։