ԱՄՆ-ը Իրանի համար ներկայացրել է 15 կետից բաղկացած խաղաղության ծրագիր

Լրատվամիջոցի տեղեկություններով՝ ծրագիրը փոխանցվել է Պակիստանի միջոցով և ներառում է տարածաշրջանային անվտանգության հիմնական հարցերը։

ԱՄՆ-ը Իրանին փոխանցել է 15 կետից բաղկացած ծրագիր՝ Մերձավոր Արևելքում պատերազմի դադարեցման նպատակով։ Այս մասին հայտնում է The New York Times-ը՝ հղում անելով իր աղբյուրներին։

Լրատվամիջոցի տեղեկություններով՝ ծրագիրը փոխանցվել է Պակիստանի միջոցով և ներառում է տարածաշրջանային անվտանգության հիմնական հարցերը։

Դրանց թվում են Իրանի միջուկային ծրագրի կարգավորումը և ծովային ուղիների անվտանգության վերականգնումը։

Միևնույն ժամանակ, դեռևս պարզ չէ, թե արդյոք Թեհրանը պատրաստ է ընդունել այս առաջարկը որպես բանակցությունների հիմք։

Անորոշ է նաև Իսրայելի դիրքորոշումը, որը Միացյալ Նահանգների հետ համատեղ հարվածներ է հասցնում Իրանին։

Axios-ի փոխանցմամբ՝ իրանական կողմը միջնորդներին հայտնել է, որ չի վստահում Վաշինգտոնին՝ անցյալի փորձի պատճառով։

Իսկ CNN-ը գրում է, որ Թեհրանը նախընտրում է երկխոսություն վարել ԱՄՆ փոխնախագահ Ջեյ Դի Վենսի հետ և չի ցանկանում աշխատել Սթիվ Ուիթքոֆի և Ջարեդ Քուշների հետ։

Ստեղծված իրավիճակը վկայում է, որ հնարավոր բանակցությունները դեռևս մնում են անորոշության փուլում։