ԱՄՆ-ը կարող է հազարավոր դեսանտայիններ ուղարկել Մերձավոր Արևելք. Reuters

Աղբյուրներից մեկի փոխանցմամբ՝ խոսքը կարող է լինել 3,000-ից 4,000 զինծառայողի մասին։

ԱՄՆ պաշտպանության նախարարությունը նախատեսում է Մերձավոր Արևելք ուղարկել բանակի էլիտար 82-րդ օդադեսանտային դիվիզիայի հազարավոր զինվորների։ Այս մասին հայտնում է Reuters-ը՝ հղում անելով իր աղբյուրներին։

Պաշտոնյաները դեռ չեն հստակեցրել, թե տարածաշրջանի որ հատվածում կտեղակայվեն զորքերը կամ երբ կկատարվի նրանց տեղակայումը։

Աղբյուրներից մեկի փոխանցմամբ՝ խոսքը կարող է լինել 3,000-ից 4,000 զինծառայողի մասին։

Նշվում է, որ մինչև այս որոշումը տարածաշրջանում արդեն տեղակայված էր շուրջ 50,000 ամերիկյան զինվոր։

Այս քայլը տեղի է ունենում Մերձավոր Արևելքում լարվածության աճի ֆոնին և կարող է վկայել ԱՄՆ-ի ռազմական ներկայության հնարավոր ընդլայնման մասին։