ԱՄՆ-ում էփշտեյնի գործով ավելի քան 30 հազար փաստաթուղթ է հրապարակվել

Ներկայացուցիչների պալատի վերահսկողական հանձնաժողովը իր կայքում տեղադրել է հանգուցյալ ֆինանսիստ Ջեֆրի Էպշտեյնի գործին վերաբերող 33,295 էջանոց նյութ։

BBC-ն հիշեցնում է, որ ԱՄՆ նախագահ Դոնալդ Թրամփի վարչակազմի վրա վերջին շրջանում ճնշում է գործադրվում (այդ թվում՝ ամերիկյան առաջնորդի համախոհների կողմից)՝ Էփշտեյնի գործի վերաբերյալ բոլոր փաստաթղթերը հրապարակելու համար։

Ինչպես նշում է CNN-ը, դեռ պարզ չէ, թե որքան անհայտ տեղեկություններ են պարունակել երեքշաբթի օրը հրապարակված փաստաթղթերը։ Կոմիտեի դեմոկրատները նախկինում հայտարարել են, որ ԱՄՆ արդարադատության նախարարության կողմից տրամադրված նյութերի մեծ մասն արդեն հրապարակվել է։

«Մանրամասն ուսումնասիրությունից հետո Վերահսկողության հանձնաժողովի դեմոկրատները եկան այն եզրակացության, որ Արդարադատության նախարարությունից ստացված փաստաթղթերի 97%-ն արդեն հանրությանը հասանելի է եղել։ Դրանք չեն պարունակում որևէ հիշատակում հաճախորդների ցանկի կամ որևէ այլ բանի մասին, որը կբարձրացնի թափանցիկությունը կամ արդարությունը զոհերի նկատմամբ», - կոնգրեսական Ռոբերտ Գարսիայի խոսքերն է մեջբերում հեռուստաընկերությունը։