ԱՄՆ-ը, Կանադան և Դանիան Արկտիկայում սկսել են ARCTIC EDGE 2026 զորավարժությունները

Զորավարժությունների նպատակը Արկտիկական տարածաշրջանում պատրաստվածության բարձրացումն է։

Հյուսիսային Ամերիկայի օդատիեզերական պաշտպանության միացյալ հրամանատարությունը (NORAD) և ԱՄՆ զինված ուժերի Հյուսիսային հրամանատարությունը հայտարարել են Կանադայի և Դանիայի հետ համատեղ ARCTIC EDGE 2026 (AE26) դաշտային զորավարժությունների մեկնարկի մասին։

Զորավարժությունները կանցկացվեն Ալյասկայում և Գրենլանդիայում՝ 2026 թվականի փետրվարի 23-ից մինչև մարտի 13-ը։

AE26-ին մասնակցում են Դանիան, Կանադան, Ալյասկայի ազգային գվարդիան, ինչպես նաև մի շարք միջգերատեսչական գործընկերներ, այդ թվում՝ ԱՄՆ Հետաքննությունների դաշնային բյուրոն (ՀԴԲ) և ԱՄՆ Առափնյա պաշտպանությունը։

Հաղորդագրության համաձայն՝ զորավարժությունների նպատակը Արկտիկական տարածաշրջանում պատրաստվածության բարձրացումն է, կարողությունների ցուցադրումը և գործընկերների միջև փոխգործակցության բարելավումը։

Մասնակիցների առջև դրված խնդիրների թվում են՝

• թևավոր հրթիռներից պաշտպանության մշակում,

• անօդաչու թռչող սարքերին հակազդում,

• Արկտիկայում գոյատևման և տեղաշարժվելու հմտությունների մարզում։