ԱՄՆ-ն ռազմական գործողություններ է սկսել նաև Էկվադորում

Գործողությունները ուղղված են թմրավաճառությամբ զբաղվող խմբավորումների դեմ պայքարին։

ԱՄՆ հարավային հրամանատարության տվյալներով՝ Էկվադորի և ԱՄՆ զինված ուժերը գործողություններ են սկսել Էկվադորի տարածքում ահաբեկչական համարվող կազմակերպությունների դեմ։

Հայտարարության մեջ նշվում է, որ գործողությունները ուղղված են թմրավաճառությամբ զբաղվող խմբավորումների դեմ պայքարին Լատինական Ամերիկայում և Կարիբյան ավազանում։

ԱՄՆ բանակի հաղորդագրության համաձայն՝ համատեղ գործողությունները նպատակ ունեն հակազդել այն կառույցներին, որոնք, ըստ հայտարարության, ահաբեկչություն, բռնություն և կոռուպցիա են տարածել տարածաշրջանում։

Էկվադորի զինված ուժերի հարավային հրամանատարության հրամանատար, գեներալ Ֆրենսիս Լ. Դոնովանը նշել է, որ Էկվադորի զինված ուժերը շարունակելու են գործողությունները թմրավաճառների դեմ։

Հաղորդագրությունում այլ օպերատիվ մանրամասներ չեն ներկայացվում։