Ուկրաինայի նախագահ Վլադիմիր Զելենսկին ստորագրել է օրենք, որով ռազմական հարկը կգործի նաև պատերազմի ավարտից հետո՝ ևս երեք տարի։
Հավաքագրված միջոցները կուղղվեն հատուկ հիմնադրամ՝ հետպատերազմյան վերականգնման և ենթակառուցվածքների զարգացման համար։
Ֆինանսների նախարարության հաշվարկներով՝ այս հարկի շնորհիվ բյուջեի տարեկան մուտքերը կկազմեն մոտ 140 միլիարդ գրիվնա։
Գործող դրույքաչափերով ֆիզիկական անձանց համար հարկը կազմում է 5%, իսկ տարբեր խմբերի ձեռնարկատերերի համար՝ սահմանված են առանձին դրույքաչափեր։
Օրենքի ընդունումը նաև Արժույթի միջազգային հիմնադրամի վարկային ծրագրի և եվրոպական Ukraine Facility նախաձեռնության կարևոր պայմաններից է։
Փաստաթուղթը Գերագույն ռադան ընդունել է ապրիլի 7-ին՝ 257 կողմ ձայնով։
