Թուրքիան արձագանքել է Հայոց ցեղասպանության մասին Նեթանյահուի հայտարարությանը

Նեթանյահուն հայտարարել է, թե Իսրայելը ճանաչել է Հայոց ցեղասպանությունը:

«Իսրայելի վարչապետ Բենիամին Նեթանյահուի 1915 թվականի իրադարձությունների վերաբերյալ հայտարարությունը՝ անցյալի ողբերգական իրադարձությունները քաղաքական դրդապատճառներով շահագործելու փորձ է», - ասվում է Թուրքիայի արտաքին գործերի նախարարության հայտարարության մեջ։

«Նեթանյահուն, ով դատական գործընթացի մեջ է պաղեստինցի ժողովրդի դեմ կատարված ցեղասպանության համար, փորձում է թաքցնել իր և իր կառավարության կողմից կատարված հանցագործությունները։ Մենք դատապարտում և մերժում ենք այս հայտարարությունը, որը չի համապատասխանում պատմական և իրավական փաստերին»,- նշվում է հրապարակման մեջ, հաղորդում են թուրքական լրատվամիջոցները:

Նեթանյահուն հայտարարել է, թե Իսրայելը ճանաչել է Հայոց ցեղասպանությունը: