Insider Advantage-ի հարցումը անցկացվել է օգոստոսի 15-17-ը։ Այն ունի 3.09 տոկոսային կետի սխալ։

ԱՄՆ նախագահ Դոնալդ Թրամփի վարկանիշը կտրուկ աճել է Ռուսաստանի նախագահ Վլադիմիր Պուտինի հետ Ալյասկայում կայացած հանդիպումից հետո, այդ մասին ցույց են տվել Insider Advantage հետազոտական ծառայության կողմից անցկացված հարցման արդյունքները։

Ըստ տվյալների՝ գագաթնաժողովից հետո ամերիկյան առաջնորդի հավանության վարկանիշը հասել է 54%-ի, մինչդեռ հարցվածների 44%-ը հավանություն չի տալիս նրա գործունեությանը, ևս 2%-ը դեռ չի կողմնորոշվել։ Նշվում է, որ Թրամփի ցուցանիշները բարելավվել են աֆրոամերիկացիների և լատինաամերիկացիների շրջանում, իսկ սպիտակ բնակչության շրջանում նրա աջակցությունը գրեթե հասել է ռեկորդային՝ 64% ցուցանիշի։

Insider Advantage-ի հարցումը անցկացվել է օգոստոսի 15-17-ը։ Այն ունի 3.09 տոկոսային կետի սխալ։

Հուլիսի կեսերին հրապարակված YouGov հետազոտության տվյալների համաձայն՝ հարցվածների միայն 41%-ն է աջակցել ԱՄՆ նախագահի գործունեությանը, մինչդեռ ամերիկացիների մոտ 55%-ը դժգոհ է եղել դրանից։